Тұңғыш Президент күні аталып өтті

Тұңғыш Президент күні 2011 жылдың 10 желтоқсанында Парламент Сенатының толық отырысында қол қойылып, бүкіл елден қолдау таба білген мереке. Сондықтан Шығыс өңірінде бұл айтулы мерекеге арналған салтанатты жиынға аймақ басшысы қатысып, шығысқазақстандықтарды мерекелерімен құттықтады.

- Тәуелсіздігіміздің 25 жылдығының қарсаңында бұл мерекенің мәні де, мағынасы да айрықша. Қазақстан, Тәуелсіздік, Нұрсұлтан Назарбаев бір-бірінен ажырамас ұғымдар. Әлем мойындаған қайраткер Нұрсұлтан Назарбаевпен замандас болу бізге бұйырған бақыт, зор жауапкершілік, - деді өз құттықтау сөзінде ШҚО әкімі Даниал Ахметов.

Бүгінде бүкіл елдің қолдауы мен сеніміне ие болып, елді сындарлы жолмен болашаққа айқын бастап келе жатқан Елбасымыз Нұрсұлтан Назарбаевтың құрметіне тойланатын – Тұңғыш Президент күні барша қазақстандықтар үшін де өте қадірлі мереке.

Амир Қилымбеков