Тіркемелі көліктерге жолға шығуға тыйым салынды

ШҚО ІІД мәліметтеріне сүйенсек 20 қазаннан бастап Өскемен – Зырян бағытындағы тас жолдың 40-66 шақырымында, Өскемен – Таулы Үлбі – Северноеның 18-66 шақырымы, Өскемен – Самар тас жолының 62-145 шақырымы мен Теректі – Ұрынхай – Төсқайың бағытындағы тас жолдың 7-57 шақырымында ауыр жүк көліктерінің қозғалысына тыйым салынды. Ал қарашаның 1-інен бастап Өскеменге кірер Защита жол өтпесінде де тіркемесі бар көліктер үшін қозғалыс шектеледі. Айта кетейік, облыс жолдарының жағдайы туралы толық ақпаратты «Қазақавтодор» РММ ШҚО-дағы бөлімшесінің диспетчеріне 26-28-08 нөмірі арқылы немесе 77-60-05 ШҚО ІІД жергілікті полицияның кезекші бөлімшесіне хабарласып білуге болады. Ерке Мұхаметкәрім