2018 жылы жаңа 2 жоба іске қосылады

Бұл жобалардың қатарында «Ақтоғай тау-кен байыту кешенінің құрылысы» және «Толық циклді автозауыт және автобөлшектер шығаратын технопарк құрылысы» бар. - «Ақтоғай тау-кен байыту комбинатының» жобалық күші 25 мың тонна мыс пен 250 мың тонна мыс концентрациясын, 600 млн тонна шамасындағы кен өндірісін құрайды деп жоспарланған, - деді облыс басшысы Даниал Кенжетайұлы. Ақтоғай тау-кен байыту комбинатында өткен жылдан бері қышқылдатылған кен өңдеу басталды. Жыл соңына дейін кадодты мыс өндірісі жылына 15 мың тоннаны құрайды деп күтілуде. Екінші жоба облысымыздағы автомобиль кластерін құру аясында жүзеге асырылуда. - Зауыттың жобасына 55 млн долларкөлемінде және инфоқұрылымына мемлекеттік бюджеттен 6 млрд теңге бөлінді. Сонымен қатар тағы 3 млрд теңгеге жобалық ұсыныс әзірленуде. Осылайша, мемлекет қаражатынан бұл жұмыстар әрмен қарай жалғасуы үшін 10 млрд теңгеге жұмсалады, - деді Даниал Ахметов. Биыл машина жасау саласы ақсап тұр. Яғни, бұл жолы машина жасау өткен жылғы деңгейге шыға алмады. - «Азия Авто» АҚ автомобиль шығару көлемінің тоқтатылуы бұл саладағы көрсеткішті 56%-ға төмендетті, - деп атап өтті аймақ басшысы Даниал Ахметов. Аймақ басшысы Қырғызстан, Тәжікстан, Монғолия және Әзірбайжан елдерімен қазақстандық автокөліктердің саудасына арналған келісім жасасты және алдағы уақытта Грузия елімен де келіссөздер жүргізуді жоспарлап отыр. Ерке Биғазина