Бұқтырмада демалу ешкімге қауіп төндірмейді

Шығыс Қазақстан облыстық туристік ақпарат орталығының мәліметіне сүйенсек, турбазалар шартты режимде жұмыс істеп тұр. 
 ШҚО ТЖД өкілдері жағажайлардағы су деңгейі қалыпты екенін хабарлауда. Сондықтан алып-қашпа сөздерге сенудің қажеті жоқ. Барлық ресми ақпараттарды ШҚО ТЖ департаментінің www.vkogps.kz сайтынан оқып танысуға болады. 
Зырян аудандық туризм бөлімінде демалуға арналған базалар халықты көптеп қабылдауға дайын екенін  айтуда. 
- «Аюда» демалу базасында бір де бір үй су астында қалған жоқ. Біз демалушыларды Жаңа Бұқтарма ауылынан қажетті базаға жеткізетін боламыз. Шілде айы жеміс-жидектің пісетін, балықтардың көптеп түсетін, күн көзіне күйетін кез. Сондықтан барлық тұрғындарды өздерінің жазғы демалыстарын ұмытылмастай өткізу үшін Бұқтырма су қоймасына шақырамыз, - деді Бұқтырма су қоймасындағы «Аюда» демалу кешенінің басшысы Александр Чиликин. 

Ерке Биғазина