Қазақстан Жер дауынан кейінгі министрліктегі ауыс-күйіс
Халықтың басты пробелмасына айналған жер дауы талай министрлерді жылы орындарынан тайдырды
Ұлттық экономика министрі Ерболат Досаев және Ауылшаруашылық министрі Асылжан Мамытбеков өздерінің лауазымдарын өз еріктерімен босатты.
Енді Ұлттық экономика министрі болып 36 жасар Қуандық Бишімбаев тағайндалса, Ауылшаруашылық министрі болып «Нұр Отан» партиясы төрағасының бірінші орынбасары қызметін атқарған Асқар Мырзахметов тағайындалды. Ал «Нұр Отан» партиясы төрағасының бірінші орынбасары орнына Мұхтар Құл-Мұхаммед келді.
Сонымен қатар елімізде жаңа Ақпарат және байланыс министрлігінің басшысы да тағайындалды. Оның тізігін Нұрсұлтан Назарбаевтың бес жыл бойы баспасөз хатшысы болған Даурен Абаевқа алды. Жаңа министрлік ақпарат құралдары мен әлеуметтік желілердегі кез-келген жарияланымдарды талдап, мемлекеттің ақпараттық саясатын жүргізуге атсалыспақ.
Айта кету керек, Елбасымыз Нұрсұлтан Назарбаев билік басындағы шенеуніктерге журналистерден қашпай сауалдарына жауап беріп, түсіндіру жұмыстарын жүргізуді тапсырды.
