Қазақстан Арзан шырша аламын деп, ақшаңыздан айырылып қалмаңыз
Жаңа жыл қарсаңындағы қарбалас сәтте алаяқтар да белсенді әрекет етеді
Фото:
t.me/POLICE_of_KZ
Полиция алаяқтардың арбауына ілікпеу үшін аса мұқият болуды ескертеді, деп хабарлайды Устинка LIVE сайты
Әлеуметтік желілерде бағасы арзан шыршаларды сату туралы хабарламалар пайда болады. Олар әдемі фотосуреттерді пайдаланып, алдын ала төлем жасауды талап етеді. Ақша аударылғаннан кейін "сатушылар" байланысты бірден үзеді, - деп еске салады ҚР ІІМ.
Полиция ескертеді:
- Белгісіз немесе жаңадан ашылған парақшалардан тауар сатып алмаңыз;
- Алдын ала төлем жасаудан, әсіресе жеке банктік карталарға ақша аударудан бас тартыңыз;
- Пікірлерді, жарияланымдарды және аккаунттың тіркелген күнін мұқият тексеріңіз;
- Нақты мекенжай мен байланыс нөмірінің бар-жоғын анықтаңыз;
- Өте төмен баға немесе төлемді жедел жасауға шақыратын ұсыныстарға сақтықпен қараңыз;
- Күмән пайда болса, сатып алудан бас тартқан жөн.