Келесі жылдан бастап бірқатар құжаттарды рәсімдеу құны қымбаттайды

2026 жылдың 1 қаңтарынан бастап АЕК 3 932 теңгеден 4 325 теңгеге өсіп, паспорт, жүргізуші куәлігі сынды құжаттарды алу да қымбаттайды, деп хабарлайды Устинка LIVE тілшісі.

Жаңа АЕК-ке сәйкес мемлекеттік баж көлемі төмендегідей болады:

• 16 жасқа дейінгі балаларға арналған паспорт (24 бет) – 17 300 теңге (4 АЕК).
• Қарапайым паспорт (36 бет) – 34 600 теңге (8 АЕК).
• 48 беттік паспорт – 51 900 теңге (12 АЕК).
• Жеке куәлік – 865 теңге (0,2 АЕК).
• Бір жылда екі реттен артық жоғалтқан жағдайда – 4 325 теңге (1 АЕК).
• Жүргізуші куәлігі – 5 406 теңге (1,25 АЕК).

Қаңтардан бастап некені тіркеу құны 4 325 теңге (1 АЕК) болады. Ал ажырасу бойынша мемлекеттік баж 8 650 теңгеге (2 АЕК) дейін өседі.

Туу туралы куәлік бұрынғыдай тегін. Құжатты қайта рәсімдеу қажет болған жағдайда 2 163 теңге (0,5 АЕК) төленеді.