Қазақстан Алакөлді дамытудың бас жоспары әзірленіп жатыр
Биыл көл жағалауындағы Қабанбай ауылында құтқару станциясы және өрт сөндіру депосының құрылысы басталды
Абай ауданының әкімі Берік Уәли атап өткендей, оған жергілікті бюджеттен 1 млрд теңге бөлінген, деп хабарлайды Устинка LIVE тілшісі.
Алакөл жағалауында демалушылар үшін қолайлы жағдай жасап, оның инфрақұрылымын дамыту бойынша нақты шаралар қабылданды. Биыл жергілікті бюджеттен 1 млрд теңге бөлініп, көл жағалауындағы Қабанбай ауылында құтқару станциясы және өрт сөндіру депосының құрылысы басталды. Сондай-ақ жаңа электр желісін тарту, қатты тұрмыстық қалдықтар полигонын салу бойынша жобалық-сметалық құжаттама әзірленіп жатыр.
Жобаларды жүйелі түрде және сапалы іске асыру үшін көл жағалауының жаңа бас жоспарының жобасын әзірлеу жұмыстары жүргізіліп жатыр. Жалпы ауданы 1000 гектардан асатын демалыс және туризм аймақтарын қалыптастыру, қоғамдық және тұрғын аумақтарды дамыту көзделген, - деді Абай облысының әкімі Берік Уәли.
Оның айтуынша, жобаны іске асырудың нәтижесінде Қабанбай ауылының аумағы мен көл жағалауын біріктіріп, игерілген жер көлемін 3 мың гектарға дейін ұлғайту жоспарланған. Болашақта бұл Алакөлді өңірдің жетекші туристік орталықтарының біріне айналдыруға мүмкіндік береді.