Қазақстан Шығыс Қазақстан онкоорталығына шетелдіктер де емделуге келіп жатыр
Елордада "Қазақстан Республикасындағы медициналық туризмді дамыту: болашағы мен мүмкіндіктері" тақырыбында алғашқы халықаралық конференция өтті
Конференцияда Шығыс Қазақстан облысын жалғыз өңірлік өкіл – Көпсалалы онкология және хирургия орталығы таныстырды, деп хабарлайды Устинка LIVE тілшісі.
Конференцияға 30 елден 500-ден астам қатысушы, соның ішінде дипломатиялық миссиялардың өкілдері, Денсаулық сақтау министрлігі мен шетелдік клиникалардың мамандары қатысты.
Көпсалалы онкология және хирургия орталығында жыл сайын 11 мыңнан астам адам ем қабылдап, 3 мыңнан астам операция жасалады. Медициналық мекеме 3.0 Tesla қуатты МРТ, Revolution EVO компьютерлік томограф, Elekta Versa HD сызықтық үдеткіші және Exablate INSIGHTEC фокусталған ультрадыбыстық жүйесі сияқты заманауи жабдықтармен қамтамасыз етілген.
Мамандарымыз шетелдік клиникаларда тәжірибеден өтті. Біз халықаралық стандарттарды енгізуге ұмтыламыз, сонда ғана пациенттер сапалы медициналық көмекті өз елімізде ала алады, - деді орталық директоры Гүлмира Сағидуллина.
Онкоорталықта медициналық туризм бөлімі құрылып, шетел азаматтарына арналған check-up бағдарламалары мен жеке қызмет пакеттері әзірленген. Бүгінде Шығыс Қазақстанға емделу үшін Ресей, Қырғызстан, Өзбекстан, Беларусь және өзге де елдердің пациенттері келуде.
Қазақстан Республикасы Денсаулық сақтау министрлігінің мәліметінше, медициналық туризмді дамыту - денсаулық сақтау саласындағы мемлекеттік саясаттың басым бағыттарының бірі болып табылады.
