Қазақстан Қазақстан құрамасы Әлем чемпионатында 7 алтын медаль жеңіп алды
Әлем чемпионаты тарихында тұңғыш рет біздің құрама жалпы есепте жеңімпаз атанып, 10 медаль, оның ішінде 7 алтынға ие болды
Ұлттық құрама 7 алтын, 1 күміс және 2 қола медальмен командалық есепте топ жарды, деп хабарлайды Устинка LIVE тілшісі.
Қазақстан 2005 жылдан бері алғаш рет әлем чемпионатында үстемдік етуде, әсіресе боксшы қыздар өздерін өте жақсы көрсетті. Ал Қазақстан құрамасының капитаны Айбек Оралбай өзбекстандық қарсыласын жеңіп, елді жалпы есепте бірінші орынға шығарды. 19 жасар Төрехан Сабырхан да жарқын сенсацияға айналды, дебюттік турнирде алтынды қолдан бермеді. Бүкіл әлем оның әлемдік рингтің болашақ супержұлдызы екенін түсінгендей.
Алтын жүлде иегерлері:
- Санжар Тәшкенбай (50 кг)
- Махмұд Сабырхан (55 кг)
- Төрехан Сабырхан (70 кг)
- Айбек Оралбай (+90 кг)
- Алуа Балқыбекова (50 кг)
- Аида Әбікеева (65 кг)
- Наталья Богданова (70 кг)
Күміс жүлде:
- Назым Қызайбай (48 кг)
Қола жүлде:
- Виктория Графеева (60 кг)
- Елдана Тәліпова (+80 кг)
Мемлекет басшысы бокстан Әлем чемпионатында топ жарған боксшыларды құттықтады.
Ливерпульде өткен бокстан Әлем чемпионатында ұлттық құраманың жеңіс жолын Алуа Балқыбекова, Аида Әбікеева, Төрехан Сабырхан, Наталья Богданова, Айбек Оралбай жалғастырды. Қазақ боксшылары әлем біріншілігінде керемет нәтиже көрсетті. Әйтсе де алдымызда АҚШ-та өтетін Олимпиада ойындары күтіп тұр. Соған қазірден бастап дайындалу қажет. Қазақ бокс мектебінің мерейі әрдайым үстем болсын! – деп жазды Президент Instagram парақшасында.