Қазақстан Абай облысындағы Қарауылда "Ұлы дала алтыны" көрмесі ашылды
Көрмеге Шілікті, Берел, Елеке сазы, Ақжайлау, Қарақоба қорымдарының бірегей артефактілері қойылған
Ұлы ақынның 180 жылдығына келген қонақтар бұл көрмені 7-10 тамыз аралығында тамашалай алады, деп хабарлайды Устинка LIVE тілшісі.
"Ұлы дала алтыны" көрмесі ежелгі көшпенділер өркениетінің үздік туындыларының нағыз қазынасы болып табылады. Облыстық тарихи-өлкетану музейі ұсынған экспозицияның археологиялық артефактілері шынында бірегей және толық эксклюзивті. Бұл Қазақстан Республикасының жетекші археологтары Зайнолла Самашев пен Әбдеш Төлеубаевтың "Шығыс Қазақстан облысында археология саласындағы ғылыми-зерттеу жұмыстарының бағдарламасын" іске асыру бойынша қажырлы еңбегінің нәтижесі.
Қорғандарды қазу барысында табылған заттардың көпшілігі біздің дәуірімізге дейінгі VIII-VII ғасырларға жатадды. Көшпелілер дәуірінің жауһарлары бұл өркениеттің жоғары деңгейде дамығанын, өткен ғасырлардағы зергерлердің тамаша шеберлігін көрсетеді.
Көрме қонақтары алтыннан жасалған бірегей әшекейлерді, жауынгерлердің қару-жарағын, киім элементтерін, жылқының сәнді жабдықтарын және басқа да құнды жәдігерлерді тамашалай алады. Көрмеге қойылған артефактілер мыңдаған жылдар бұрын Қазақстан аумағында қалыптасқан бай тарихи-мәдени мұраны айғақтайды.