Қазақстан Президент Алакөлдегі демалыс аймағын сынға алды
Мемлекет басшысы Үкіметке тез арада елдегі туристік орындардың жағдайын ретке келтіруді тапсырды
Алакөл маңындағы әйгілі туристік аймақта сервистің төмендігі бойынша халықтан жиі шағым түседі, деп хабарлайды Устинка LIVE тілшісі.
Мемлекет басшысы халықтан келіп түскен көптеген шағымға байланысты Алакөл маңындағы әйгілі туристік аймақтың демалушыларды қарсы алуға дайындығы төмен екеніне Үкіметтің назарын аударды, - деді Президенттің кеңесшісі әрі баспасөз хатшысы Руслан Желдібай. - Атап айтқанда, қажетті туристік инфрақұрылым, қызмет көрсету мен қауіпсіздік лайықты деңгейде қамтамасыз етілмеген.
Мемлекет басшысы Үкіметке қысқа мерзім ішінде елдегі барлық туристік бағыттың жағдайын ретке келтіріп, олқылық жіберген лауазымды тұлғаларды жауапкершілікке тартуды тапсырды.