Қазақстандық жас физиктер халықаралық олимпиадада абсолютті чемпион атанды

Білім сайысында Қазақстан құрамасы жалпыкомандалық есепте 1-орынды жеңіп алып, әлемдік көшбасшылар қатарына енді, деп хабарлайды Устинка LIVE тілшісі.

Әлемнің 21 елінен келген қатысушылар арасында 5 жас қазақстандық елге он марапатпен оралды. Олимпиада екі негізгі кезеңнен тұрды: теориялық және эксперименттік кезеңдер. Әр қатысушы жеке есепте екі бағыт бойынша бағаланды, - деп мәлімдеді ҚР Оқу-ағарту министрлігі.

Күміс медаль иегерлері:

• Роман Черемнов – Алматы қаласы "Мирас" мектебінің 11-сынып оқушысы;
• Таир Әбдіқадыр – Қостанай облыстық "Білім-инновация" лицейінің 10-сынып оқушысы;
• Альтаир Аканов – Астана қаласындағы РФММ-нің 11-сынып оқушысы;
• Илияс Қазымбек – Алматы қаласындағы РФММ-нің 10-сынып оқушысы.

Сондай-ақ қола медаль иегері - Астана қаласы "NURORDA" мектеп-лицейінің 11-сынып оқушысы Даниэль Тюлюбаев.

Теориялық айналым нәтижелері бойынша:

• 1-дәрежелі диплом - Роман Черемнов, Илияс Қазымбек;
• 2-дәрежелі диплом - Даниэль Тюлюбаев, Таир Әбдіқадыр, Альтаир Аканов.

Жетекшілері: Самат Максутов — PhD докторы, CDU доценті, Назарали Айтжанов — CDU магистрі.