Қазақстан "Алтайдан Оралға дейін" республикалық велошеруі мәресіне жетті
26 мамыр күні Өскеменнен шыққан велошеру Оралға жетті
200-ден астам адам ШҚО-дан шығып, елдің 8 өңірін жүріп өтті, деп хабарлайды Устинка LIVE тілшісі.
ҚР Туризм министрлігі мәлімдегендей, Орал қаласындағы Тәуелсіздік монументі жанында Жұмысшы мамандықтар жылы аясында ұйымдастырылған "Алтайдан Оралға дейін" республикалық велошеруінің жабылу рәсімі өтті
Еске сала кетейік, Мемлекет басшысының тапсырмасына сәйкес, 2025 жыл – Жұмысшы мамандықтар жылы деп жарияланған болатын. "Алтайдан Оралға дейін" велошеруі еңбекке деген құрметтің жарқын үлгісіне айналып, жұмысшы мамандықтарының оң имиджін қалыптастыруға үлес қосты. Мұндай бастамалар техникалық және өндірістік салаларға жастардың қызығушылығын арттырып, елдің тұрақты дамуына әсер етеді.