Қазақстан Жыл басынан бері 34 бала терезеден құлаған
Салдарынан 2 бала қаза тауып, қалғандары түрлі жарақат алған
Төтенше жағдайлар министрлігі балалардың қауіпсіздігіне алаңдаушылық білдіріп, ата-аналарды барынша мұқият болуға шақырады, деп хабарлайды Устинка LIVE тілшісі.
2025 жылдың басынан бастап (22 сәуірдегі жағдай бойынша) 112 бірыңғай кезекші-диспетчерлік қызметінің пультіне тұрғын үйлердің терезелерінен балалардың құлағаны туралы 34 хабарлама келіп түсті. Соның салдарынан үш бала қайтыс болды, қалғандары түрлі жарақат алып, ауруханаға жатқызылды, - деп мәлімдеді министрлік. - Алдыңғы жылдардағыдай, басты себеп — ересектер тарапынан бақылаудың аз болуы. Қараусыз қалған балалар терезе алдына шығып, жиһазды тіреуіш ретінде пайдаланады немесе салмақты көтере алмайтын москит торларына сүйенеді.
Оқыс оқиғалар Астана, Шымкент қалаларында, сондай-ақ Ақмола, Атырау, Шығыс Қазақстан, Қарағанды, Қостанай, Қызылорда, Жамбыл, Маңғыстау, Павлодар, Абай және Ұлытау облыстарында орын алды.
Өткен жылы ересектердің қарауынсыз қалған 2 мен 13 жас аралығындағы балалар терезеден құлаған 173 жағдай тіркелді.
Әрбір ата-ана естен шығармауы керек:
1. Үйде кішкентай бала болса, терезелерді ашық қалдырмаңыз.
2. Терезені тиісті қорғаумен жабдықталмаған москит торларын пайдаланбаңыз - балалар мұндай торларға сүйеніп, нәтижесінде олармен бірге құлап түседі.
3. Балалар өздігінен терезені аша алмайтындай етіп, қауіпсіздік құлыптарын орнатыңыз.
4. Баланы қараусыз қалдырмаңыз, әсіресе терезелер мен шыны есіктердің жанында ойнауға жол бермеңіз.
5. Балалар терезенің алдына шыға алмайтындай, жиһаздарды оның жанына қоймаңыз.