Қазақстан Биыл 1-сыныпқа 370 мыңнан астам бала қабылданады
Кешеден бері 1-сыныпқа құжаттар қабылдау жүріп жатыр
Қабылдау 1 сәуірден 31 тамызға дейін жалғасады, деп хабарлайды Устинка LIVE тілшісі.
ҚР Оқу-ағарту министрлігі жаңа оқу жылында 370 мыңнан астам қазақстандық бала мектеп табалдырығын аттайды деп күтуде.
ҚР "Білім туралы" Заңына сәйкес, бала 1-сыныпқа 6 жастан бастап ата-аналардың өтініші бойынша қабылданады. Құжаттарды eGov mobile қосымшасы мен электронды үкімет порталы арқылы, сондай-ақ қағаз түрінде — тікелей мектептерде тапсыруға болады. Ол үшін барлық мектептерде қабылдау комиссиялары жұмыс істейді, - деп хабарлады ҚР Оқу-ағарту министрлігі Орта білім комитеті.
ҚР ЦДИАӨМ "Ұлттық ақпараттық технологиялар" АҚ-ның мәліметінше, биыл eGov порталында құжат тапсыру рәсімі жеңілдетілген. Енді ата-аналарға медициналық анықтамаларды қолмен жүктеудің қажеті жоқ – "Бала денсаулығы паспорты" мен "Профилактикалық екпе картасындағы" мәліметтер автоматты түрде алынады. Егер медициналық анықтамалар жүйеде болмаса, олардың скан-көшірмелерін жүктеуге болады. Сондай-ақ, өтініштің мәртебесін қарау және оны бір батырмамен кері қайтару мүмкіндігі қарастырылған.
Айта кетейік, өтініштер мереке және демалыс күндерін қоспағанда дүйсенбіден жұмаға дейін қабылданады. Сұраныс жіберілгеннен кейін өтінішті қарау мерзімі 1 жұмыс күнін құрайды.