Еліміздің оңтүстігінде 5 балл шамасында жер сілкінісі тіркелді

Астана уақыты бойынша 03.42-де (GMT 13:23) Алматыдан оңтүстік-батысқа қарай шамамен 323 шақырым қашықтықта жер сілкінісі болды, деп хабарлайды Устинка LIVE тілшісі

​Жамбыл облысы әкімдігі ақпаратына сүйенсек, жер дүмпуінің жоғары қарқыны Меркі ауылында тіркелген - 5 балл. Т. Рысқұлов ауданының Құлан ауылында жер сілкінісінің күші 4 балды, Тараз, Шу қалаларында, Қордай, Мойынқұм аудандарында 2 балды құрады.

​​​Облыс әкімінің тапсырмасына сәйкес облыстық жедел штаб жұмыс істеуде. Барлық тіршілікті қамтамасыз ету жүйелері қалыпты жұмыс істеуде. Зардап шеккендер туралы мәлімет жоқ, - деп мәлімдеді аудан әкімдігі. - Алдын ала мәлімет бойынша, Т. Рысқұлов ауданы Қарақыстақ ауылындағы мәдениет үйі, Меркі аудандық ауруханасының, Ойтал ауылындағы мектеп ғимаратының қабырғасында жарықтың пайда болғаны анықталды. Басқа нысандар туралы ақпарат нақтылануда.