Этот сайт собирает метаданные пользователя (cookie, данные об IP адресах и местоположении). Это необходимо для функционирования сайта.
Продолжая пользоваться сайтом, Вы даете согласие на использование ваших cookie-файлов.
Қазақстан Алматыда ұландық офицер адамды ажалдан құтқарды
Кеше Алматыдағы көпқабатты үйлердің бірінің 4-ші қабатынан әйел адам секірмек болған
Фото:
t.me/qr_iim_uu
ҚР ІІМ Ұлттық ұланының офицері капитан Аманғали Еменов қайғылы оқиғаның алдын алды, деп хабарлайды Устинка LIVE тілшісі.
Аманғали Еменов оқиға орнына кездейсоқ тап болған. Жоғарыға қарап тұрған адамдарды көріп, не болып жатқанын білмекші болған. Бұл уақытта оқиға орнында полиция қызметкерлері жұмыс істеп, әйелді бұл қадамнан бас тартуға көндіруге тырысып жатқан.
Ұландық офицер уақыт жоғалтпай, жоғарғы қабаттан арқан арқылы төменге түсіп, көрші терезеден пәтер ішіне кіреді. Бірден қонақ бөлмеге өтіп, асқан сақтықпен секіргелі тұрған әйелді артқа қауіпсіз жерге сүйреп шығарады. Әскери қызметші мен полицейлердің кәсіби әрекеттерінің арқасында қайғылы жағдайға жол берілмеді, - деп хабарлады ҚР ІІМ Ұлттық ұланының баспасөз қызметі.
Оқиға орнына келген дәрігерлер әйелге қажетті көмек көрсетті, ал құзыретті органдар қазіргі уақытта оқиғаның мән-жайын анықтауда.
