Осы жұмада Наурызнама онкүндігі басталады

Онкүндіктің әр күні еліміздің мәдени байлығы мен ерекшелігін көрсететін белгілі бір тақырып пен құндылықтарға арналады, деп хабарлайды Устинка LIVE тілшісі ҚР Мәдениет министрлігі ақпаратына сүйеніп.

"Наурызнама" халықтың тұрмыс-тіршілігі көрінетін барлық салалны қамтиды. Мәселен, қайырымдылық пен мәдени іс-шаралардан бастап, ұлттық дәстүрлер мен экологиялық акцияларға дейін ұйымдастырылмақ.

Наурызнама – мыңжылдықтардан бастау алатын халқымыздың мәдени мұрасы. Қазақ мәдениетінде Наурызды тойлау дәстүрі ешқашан бір күнмен шектелмеген. Наурызнама – кемінде 8 күнге созылатын Ұлы даланың халықтық мерекесі.

Наурызнама онкүндігі:

• 14 наурыз күні – Көрісу күні - Амал мерекесі тойланады

• 15 наурыз – Қайырымдылық күні

• 16 наурыз – Шаңырақ күні

• 17 наурыз – Мәдениет және ұлттық салт-дәстүр күні

• 18 наурыз – Ұлттық киім күні

• 19 наурыз – Жаңару күні

• 20 наурыз – Ұлттық спорт күні

• 21 наурыз – Ынтымақ күні

• 22 наурыз – Жыл басы

• 23 наурыз – Тазару күні