Қаржылық пирамидадан 3 айда 100 миллион теңге пайда көрген

Салымшылардан түскен қаржы ойын-сауыққа жұмсап, шетелге барып демалып келген, деп хабарлайды Устинка LIVE тілшісі.

Павлодар облысы бойынша Қаржылық мониторинг агенттігі "Автолюкс" инвестициялық пирамидасын құру және басқару фактісі бойынша іс тіркеді.

Қаржы пирамидасы 2024 жылғы қыркүйектен қарашаға дейінгі 3 ай жұмыс істеген. Алайда оның қызметі Павлодар, Алматы, Ақтөбе және басқа облыстарға таралып үлгерген, - деп хабарлады ҚР Қаржылық мониторинг агенттігі. - Белгілі болғандай, күдікті интернет-дүкен платформасында жұмыс істей отырып, тауарларды жалған түрде бөліп төлеуге сатып алу үшін ақша салуды ұсынып, әр 10 күн сайын 5%-дан 15%-ға дейін сыйақы төлеуге уәде берген.

Кейінірек салымшылар нақты сатып алынбаған тауарлар үшін қарыздарды төлей берді, ал күдікті ақшаны қолма-қол ақшаға айналдырып, оны ойын-сауыққа, соның ішінде шетелге (БАӘ, Тайланд және т.б.) сапарларға жұмсаған. Қаржы пирамиданың қаражатына күдікті екі автокөлік, Mercedes Benz және Toyota Camry маркалы көліктерді сатып алғаны анықталды, олар соттың санкциясымен тәркіленді.

Пирамидаға 150-ден астам адам жұмылып, нәтижесінде 100 миллион теңгеден астам қаражат салған.

Сот күдіктіге қатысты "үйқамақ" түрінде бұлтартпау шарасын таңдады.

Еске салайық, 2024 жылы агенттік салымшыларға 20 миллиард теңгеден астам залал келтірген 42 қаржы пирамиданы жойды. 78 адам сотталып, 13 миллиард теңгеден астам залал өтелді, 287 миллион теңге мөлшерінде мүлік тәркіленді.