Қазақстан Әлемнің үздік университеттеріне қазақстандық 21 ЖОО кірді
ЖОО-дары 245-ке жуық бірлескен білім беру және қос дипломдық бағдарламаларды іске асыруда
Times Higher Education рейтингіне қазақстандық 29 жоғары оқу орны қатысты, оның ішінде 4 жоғары оқу орны тізімнен орын алды, деп хабарлайды Устинка LIVE тілшісі ҚР Үкіметінің баспасөз қызметіне сілтеме жасап.
Жыл сайын дәріс оқытуға 200 шетелдік ғалымды шақыруға қаражат бөлінеді. Тізілімге 8 мыңнан астам білім беру бағдарламасы енгізілді, оның 57%-ы жаңартылды. Цифрлық университеттердің моделі жасалды. 2023 жылдан бастап бұл модель ЖОО: Қ. Сәтбаев атындағы ҚазҰТЗУ және Д. Серікбаев атындағы ШҚТУ базасында пилоттық режимде іске қосылды, - деп хабарлайды ҚР Үкіметінің баспасөз қызметі.
Сонымен қатар, ынтымақтастықты дамыту және оқытудың инновациялық технологияларын қолдану мақсатында Coursera, Huawei Technologies Kazakhstan, Binance Kazakhstan сияқты ірі компаниялармен келіссөздер жүргізіліп, меморандумдарға қол қойылған. Huawei сертификатталған курстарын ұсыну үшін 40 ЖОО базасында Huawei ICT Academy құрылған.
Binance Kazakhstan қолдауымен 22 ЖОО-ның АКТ факультеттерінің 350-ге жуық оқытушысы блокчейн-технологиялар бойынша оқытылып, coursera жобасы бүкіл еліміз бойынша 93 университетті қамттып, бұл сұранысқа ие дағдылар бойынша онлайн курстарға қол жеткізуге мүмкіндік берді. 152 курс қазақ және орыс тілдеріне аударылып, 4 мың курсқа қазақ тілінде машиналық аударма жасалған.