Қазақстан Egov-mobile-да жаңа виртуалды көмекші пайда болады
ҚР Премьер-министрі Олжас Бектеновтің төрағалығымен өткен Үкімет отырысында қоғамдық өмірдің барлық саласына жаңа цифрлық технологиялар мен жасанды интеллектіні енгізу мәселесі қаралды
Цифрлық даму, инновациялар және аэроғарыш өнеркәсібі министрі Жаслан Мәдиев "Әлеуметтік әмиян", "ОТӨ тізілімі", "Онлайн-нотариус" жобаларын, азаматтар өтініштерін жүйелеуге арналған e-Otinish платформасын және басқа да жобаларды таныстырды, деп хабарлайды Устинка LIVE тілшісі ҚР Премьер-министрінің баспасөз қызметіне сілтеме жасап.
Цифрлық технологиялар елімізде қазірдің өнеркәсіп, экология, денсаулық сақтау, білім беру, жұмысқа орналастыру, әлеуметтік және құқықтық қолдау, салық секторы мен бизнес-ортада белсенді қолданылуда.
Сондай-ақ Премьер-министрге Egov-mobile-дың жаңа виртуалды көмекшісі таныстырылды.Көмекші арқылы некені онлайн тіркеуге болады.Мемлекет басшысы мемлекеттік басқару жүйесіндегі цифрлық трансформация экономика мен қоғамдық өмірдегі өзгерістерге жәрдем беруге тиіс екенін атап өтті. Нейрондық желілер арқылы біз төтенше жағдайларды болжап, олардың алдын аламыз. Сондай-ақ проактивті түрде әрекет етуге мүмкіндігіміз бар. Цифрлық трансформация кезінде жаңа цифрлық шешімдерді интеграциялау жұмысын жүргізуіміз керек. Бұл жұмыстардың барлығы жасанды интеллектіні дамытудың 2029 жылға дейінгі тұжырымдамасы мен жасанды интеллект туралы жаңа заң аясында жалғасады, - деп атап өтті Олжас Бектенов