"Дарын" жастар сыйлығының жеңімпаздары анықталды

Астанада Мемлекет басшысының тапсырмасымен құрылған "Тәуелсіздік ұрпақтары"гранттар конкурсының жеңімпаздары мен мемлекеттік "Дарын" жастар сыйлығының лауреаттарын марапаттау рәсімі өтті, деп хабарлайды Устинка LIVE тілшісі ҚР Мәдениет және ақпарат министрлігінің баспасөз қызметіне сілтеме жасап.

Биылғы "Дарын" сыйлығының жеңімпаздары қатарында түрлі байқаулар мен фестивальдердің лауреаттары, спорттық жарыстардың жеңімпаздары, қоғам қайраткерлері мен белсенділер бар. Кәсіби қазылар алқасы лауреаттарды "Әдебиет", "Ғылым", "Дизайн және бейнелеу өнері", "Журналистика", "Классикалық музыка", "Креативті бастамалар", "Спорт", "Театр және кино", "Эстрада"және "Халық шығармашылығы"номинациялары бойынша таңдады.

Марапаттау кезінде ҚР Мәдениет және ақпарат министрі Аида Балаева елде дарынды буынның өсіп келе жатқанын атап өтті.

Сіздер – халықтың үміті мен тірегісіздер. Ел Президенті жастар үшін үш басты бағдарды үнемі айтып келеді – бұл білімге ұмтылу, еңбекқорлық және патриотизм. Бұл – мықты әрі табысты ұлттың негізі болатын үш тұғыр. Демек, ұлттың болашағын сіздер айқындайсыздар. Сондықтан Мемлекет басшысы сіздерге үлкен үміт артады. Мемлекет өз тарапынан жастарды жан-жақты қолдауды жалғастырады. "Тәуелсіздік ұрпақтары"грантының иегерлері ретінде үздік жобаларды ұсынған 30 жас қазақстандық таңдалды. Бұл жобалар мәдениет, ғылым, медиа, ақпараттық технологиялар, бизнес салаларын қамтиды. Биыл байқауға жаңа "Волонтерлік"деп аталатын бағыт қосылды. "Бұл грант Мемлекет басшысы Қасым-Жомарт Тоқаевтың тапсырмасымен құрылды. Сондықтан бүгінгі марапаттарыңыз – үлкен жауапкершілік. Ел Президентінің сенімін ақтайтындарыңызға шын жүректен сенемін. Әрдайым биіктерден көрініңіздер! – деді Аида Балаева.

Айта кетейік, "Тәуелсіздік ұрпақтары"конкурсының әр жеңімпазына 3 млн теңге көлемінде жүлде берілді. Биыл конкурсқа 1284 өтінім түсіп, оның 897-еуі қабылданды. Мемлекеттік "Дарын" жастар сыйлығының 20 жеңімпазына "Дарын" мемлекеттік жастар сыйлығының лауреаты"атағы беріліп, төсбелгі мен ақшалай сыйлықтар табысталды. "Дарын" мемлекеттік жастар сыйлығына ие болғандардың бірі танымыл жас әнші Болат Садраддин.

Осы сыйлықты алу менің бала кезден арманым еді. Төсбелгіні таққанда ерекше сезімде болдым. Осы атаққа лайықты еңбек ету керек деп есептеймін. Жастарға айтарым бірге біліп алып, бірге дамып, елімізге пайдамыз тигізейік, - дейді әнші Болат Садраддин.