Қазақстан Биыл Қазақстандағы 1 млн-нан астам отбасы баспанамен қамтылады
Тұрғын үй құрылысы әлеуметтік саясаттың маңызды элементі болып табылады
7 жыл ішінде Қазақстанда 111 млн шаршы метр тұрғын үй салынуы керек, деп хабарлайды Устинка LIVE тілшісі ҚР Үкіметі ақпаратына сүйеніп.
2024 жылы тұрғын үй құрылысы 18 млн шаршы метрге жетеді. Осылайша 1 млн-нан астам отбасы баспанамен қамтылады.
Тұрғын үйді уақтылы пайдалануға беру үшін Астана, Шымкент және облыстар әкімдіктері биыл қолданысқа берілетін нысандар нақты көрсетілген Жол картасын әзірлеп, бекітті. Қаңтар-қазан аралығында 14 млн шаршы метр тұрғын үй немесе 123,8 пәтер мен үй пайдалануға берілді, - деп мәлімдеді ҚР Үкіметі.
Бұдан бөлек, 2024 жылы ел бойынша тұрғын үйлердегі 200-ден астам лифтіні ауыстыру жоспарланған. Бұл өз кезегінде мыңдаған қазақстандықтың өмір сүру деңгейін жақсартпақ.