Алматыда ҚМА Қоғамдық кеңесінің көшпелі отырысы өтті

Отырыс барысында агенттік қызметкерлері әлеуметтік маңызы бар тауарлар нарығында делдалдарды жою бойынша жүргізіліп жатқан жұмыстар туралы баяндады, деп хабарлайды Устинка LIVE тілшісі.

Қаржылық мониторинг агентінің өкілдері мен кеңес мүшелерінің бұл кездесуінде халықпен және өңірлермен өзара байланыс, сондай-ақ осы саладағы қаржылық қауіпсіздік пен құқықтық тәртіпті сақтауға қатысты өзекті мәселелер талқыланды.

Кеңес мүшелеріне электрондық шот-фактуралардың деректері негізінде ӘМАТ-қа рұқсат етілген сауда үстемесінің асып кету фактілерін автоматты түрде анықтауға мүмкіндік беретін талдамалық жүйенің мүмкіндіктері таныстырылды. Ағымдағы жылы агенттік әкімдіктер жанындағы өңірлік комиссиялардың атына 650-ден астам материал жіберілген. Ол бойынша 350 адам әкімшілік жауапкершілікке тартылды, - деп хабарлады ҚР Қаржылық мониторинг агентінің баспасөз қызметі.

Осы жүйеде мониторингпен әлеуметтік мемлекеттік мекемелер қамтылған. Оның 600-ден астамы 350 млн-нан астам бюджет қаражатын үнемдей отырып, мемлекеттік сатып алу туралы шарттарды қайта қарады.

Қаржы пирамидаларына қарсы іс-қимыл жөніндегі арнайы жобаны іске асыру нәтижелері де таныстырылды.

Қаржылық мониторинг агентігі аналитикалық жүйенің көмегімен қаржылық және алаяқтық жобалардың жарнамасы бар-жоғын тексеретін интернет-кеңістіктің мониторингін жүргізеді. Нәтижесінде жобаларды ұйымдастырушылар анықталып, олардың қызметіне жол бермеу шаралары қабылданады. Осындай жүйе арқылы ағымдағы жылдың басынан бастап 28 қаржы пирамидасы жойылған. 12 мыңға жуық сайт, 25 жалған қаржы жобасы бойынша 300-ге жуық чат және әлеуметтік желілердегі аккаунттар бұғатталған. "Baiqa piramida" Telegram-ботымен азаматтардан түскен 9 мыңнан астам сұраныс қаралды, - деп мәлімдеді ҚР Қаржылық мониторинг агентінің баспасөз қызметі.

Кеңес мүшелері ӘМАТ бағаларын мониторингілеу тетігін жетілдіруге және қаржы пирамидаларының қызметіне қарсы іс-қимыл жөніндегі күш-жігерді біріктіруге бағытталған бірқатар ұсыныстар білдірді.