Қазақстан Перизат Қайратқа тағы 200 млн теңге жымқырды деген күдік тағылды
Еріктілер қозғалысының белсендісі Перизат Қайратқа қатысты тергеу барысында тағы бір заңсыз әрекеті анықталды
Перизат Қайраттың Палестинаға көмекке жиналған қаржының 200 млн теңгесін жымқырды деп күдіктелуде, деп хабарлайды Устинка LIVE тілшісі.
ҚР Қаржылық мониторинг агенттігінің хабарлауынша, 2023 жылдың қараша айында Перизат Қайрат Палестина тұрғындарына гуманитарлық көмек көрсету үшін қаражат жинауды ұйымдастырған.
Ал 2023 жылғы желтоқсанда осы ақша есебінен Перизат Қайрат "Sensata Plaza" элиталық кешенінен 49 млн теңгеге үш бөлмелі пәтер және 30 млн теңгеге "Mercedes-Benz EQE 500 4 Matic" жаңа автокөлігін сатып алды. Сонымен қатар, қаражаттың бір бөлігі БАӘ-де "Rolex", "Prada" және "Fendi" брендтік бутиктерінен зергерлік бұйымдарды, сағаттар мен киімдерді сатып алуға жұмсалды, - деп хабарлайды ҚР Қаржылық мониторинг агенттігі.
Тергеу әлі жалғасуда.
