Қазақстан Қазақстандықтар Ливаннан аман-есен оралды
Таяу Шығыс өңіріндегі шиеленістің күшеюіне байланысты ондағы қазақстандықтар елге көшірілді
Фото:
t.me/pressmfakz
Президент Қасым-Жомарт Тоқаевтың тапсырмасы бойынша Қазақстанның тиісті мемлекеттік органдардың қатысуымен Ливаннан ҚР азаматтарын және олардың отбасы мүшелерін елге эвакуациялау шаралары жүзеге асырылды, деп хабарлайды Устинка LIVE тілшісі.
Аталған операция Ыстанбұл және Дубай қалалары арқылы ұйымдастырылып, нәтижесінде 2024 жылғы 17-31 қазан аралығында Бейруттан Астана мен Алматы қалаларына 41 адам аман-есен жеткізілді, - деп хабарлады ҚР Сыртқы істер министрлігі. - Эвакуация әскери қақтығыс аймағында қалған Қазақстан Республикасы азаматтарының құқықтары мен мүдделерін қорғау мақсатында жүргізілді.
