Қазақстан Халықаралық байқауда қазақ монеталары үздік деп танылды
Биылғы байқауға 18 елден 24 қатысушы өз монеталарын ұсынды
"Монета шоқжұлдызы" - Ресей аумағында өтетін және естелік монеталарға арналған жалғыз халықаралық байқау, деп хабарлайды Устинка LIVE тілшісі.
Оған әлемнің ұлттық банктері, монета сарайлары мен монета дистрибьютерлері қатысып, монеталарын ұсына алады.
"Монета шоқжұлдызы – 2024" халықаралық байқауында "Балқаш алабұғасы" монетасы "Бірегей технология" номинациясы бойынша бірінші орынды иеленді. "Қорқыт Ата" монетасы "Монета классикасы" санатында үшінші орынға ие болды. Ал "Ай мен Күн" монетасы "Сувенир монета" номинациясында "CIT Coin Invest AG" (Лихтенштейн) компаниясының "Гауһар махаббат – Көбелек" монетасымен қола жүлдені бөлісті, - деп хабарлады ҚР Ұлттық банкі.
Биылғы байқауға 18 елден 24 қатысушы өз монеталарын ұсынды.