Ұлттық банк бейбітшілікке үндейтін жаңа коллекциялық монеталар шығарды

Монеталар Ұлттық банктің https://kazcoins.nationalbank.kz интернет-дүкені арқылы сатылады, деп хабарлайды Устинка LIVE тілшісі.

Shańyraǵyńyz shattyqqa tolsyn коллекциялық монеталары әлемде бейбітшілік орнасын, әр отбасына береке келсін деген идеяны насихаттайды. "Шаңырағыңыз шаттыққа толсын" – бейбіт заманда тату-тәтті өмір сүр, әр отбасында тыныштық болсын, жылулық ұяласын деп күллі адамзатқа айтылған ізгі тілек, - деп түсіндірді Қазақстанның Ұлттық банкі.

Монеталар күмістен жасалған. Сынамасы – 925/1000. Монета массасы – 31,1 грамм, диаметрі – 38,61 мм, номиналы 1 000 теңгелік, таралымы – 2 000 дана.

Коллекциялық монеталар Қазақстан Республикасының бүкіл аумағында өзінің белгіленген құнына сай төлемнің барлық түрі бойынша қабылдауға, сондай-ақ елдің барлық банкінде банк шоттарына есепке алуға, аударуға, ұсақтауға және айырбастауға жатады.