Қазақстан Қазақстанда АЭС салуды қолдаушылардың саны артып келеді
Қазақстандықтардың 60,2 пайызы Қазақстанда атом электр станциясын салу идеясына оң көзқарас білдірген
Демократия институты 18 тамыз бен 17 қыркүйек аралығында әлеуметтанулық зерттеу жүргізді, деп хабарлйды Устинка LIVE тілшісі.
Сауалнамаға 18 жастан асқан 8 мың респондент қатысты.
XXI ғасырда энергетика экономикалық тұрақтылыққа, қоршаған ортаға және адамдардың өмір сүру сапасына әсер ететін жаһандық дамудың негізгі факторларының біріне айналды. Уранның орасан қорына ие Қазақстан маңызды таңдау – электр қуаты тапшылығы мәселесін шешудің жолы ретінде АЭС салу мәселесін қарастыруда.
Сауалнама жүргізілген кезде респонденттердің жалпы саны 59,2% дауыс беруге қатысуға жалпы дайын екенін білдірді. Оның 41,6 пайызы нақты ниет танытты. Әрбір бесінші респондент әлі түпкілікті шешім қабылдаған жоқ, ал 17% референдумға міндетті түрде қатыспайтынын атап өтті, - делінген ҚР Президенті жанындағы Қазақстанның стратегиялық зерттеулер институты ақпаратында.
Жалпы, қазақстандықтардың 60,2 пайызы Қазақстанда атом электр станциясын салу идеясына оң көзқарас білдірген. Оның 38,6%-ы оң, 21,6%-ы біршама оң көзқараста. Алдыңғы тамызда жүргізілген сауалнамамен салыстырғанда АЭС салу идеясын қолдаушылар саны 53,1%-дан 60,2%-ға өсті.
24,9% атом электр станциясын салу идеясына теріс көзқарас танытты, оның 9,1% мүлдем теріс, ал 15,8% теріс көзқараста. 14,9% жауап беруге қиналады.
Сауалнама нәтижелері қазақстандықтарды бірінші кезекте АЭС-тың адам денсаулығы мен қоршаған ортаға тигізетін әсері толғандыратынын көрсетті.
Мысалы, "Сіз бірінші кезекте құрылысы жоспарланған атом электр станциясы (АЭС) туралы қандай ақпаратты білгіңіз келеді?"деген сұраққа: 49,5% "халықтың денсаулығына әсерін"атап өтті, ал 42,9% "қоршаған ортаға әсерін"атап өтті. Респонденттердің тағы 22,8%-ы "авариялар мен төтенше жағдайлардың алдын алу шаралары"деген жауап нұсқасын таңдаған.
