Қазақстан Көшпенділер ойындары: Аламан бәйгені "Айқабақ" жеңді
25 шақырымға жалғасқан Аламан бәйгегеде қазақстандық екі тұлпар жүлделі орындарды иеленді
Аламан бәйгеге 27 шабандоз қатысты, деп хабарлайды Устинка LIVE тілшісі ҚР Туризм және спорт министрлігі ақпаратына сүйеніп.
Соңғы айналымда 7 ат қана қалды. Мәре сызығын бірінші болып "Айқабақ" кесті. "Жұмыртұяқ" екінші болып келсе, қырғызстандық сәйгүлік – "Қара қыз" үштікті түйіндеді. Қазақстан қоржынында бір алтын, бір күміс бар, - деп мәлімдеді министрліктегілер.
1-орын: "Айқабақ", шабандоз – Ансар Арыстанбек, бапкері – Сапарғали Сатпаев, ат иесі – Жамбыл Бөбекбай (Қазақстан);
2-орын: "Жұмыртұяқ", шабандоз – Хамза Аманкелді, бапкері – Марат Ақберлинов, ат иесі – Марлан Бектенов (Қазақстан);
3-орын: "Қара қыз", шабандоз – Элесов Нурэл, бапкері – Керимбеков Нурбек, ат иесі – Сырғақ уулу Изат (Қырғызстан).
