Газета Қазақ фольклоры қайта жаңғыруда
Жуықта арнайы жұмыс тобы Достық үйі - қоғамдық келісім орталығының ұйымдастыруымен "Рухани жаңғыру" бағдарламасы негізінде қазақ фольклорын зерттеу және жаңғырту мақсатында Зайсан ауданына барып қайтты
Жұмыс тобының құрамында ҚР Жазушылар одағының төрағасы, еліміздің көрнекті ақыны Ұлықбек Есдәулет, Жазушылар одағының мүшелері Есенғали Раушанов, Мереке Құлкенов және қалалық қазақ тілі қоғамдық бірлестігінің белсенді мүшесі Бағдат Оразбайқызы болды. Сапар барысында аталған жұмыс тобы "Рухани жаңғыру" бағдарламасы аясында қайта жаңғырған тарихи-өлкетану мұражайындағы жаңа жәдігерлермен танысты.
Сонымен қатар, аудандық мәдениет үйінде термеші, жыршы, шежіреші, батагөй, ақын азаматтармен және ауыл ақсақаллдарымен арнайы кездесу өткізді. Сондай-ақ, Шілікті қорғанына да арнайы ат басын бұрды.
Экспедиция жұмысы нәтижесінде "Ақжамал", "Жәнделі қыз", "Сыбызғы сыры", "Ертіс қызы", "Бала қаз" сынды бірқатар аңыздар мен "Ер Жәнібек", "Мәулет" сынды дастандар халықпен қайта қауышты.