Ажырасу - қоғам дерті

Облыста жастардың некелесуі көңіл көншітпейді. Бұған дейін де өңірде неке құрған жастардың жартысы ажырасып тынатындығы айтылып жүрген. Бұл қоғамдық проблема дертке айналып үлгерген. 

- Былтыр 10260 неке қиылған болса, 5140 неке бұзылған. Ал биыл мамыр айына дейін 2388 неке қиылса, 1540 неке бұзылды, - дейді ШҚО Әділет департаменті басшысының орынбасары Бейсембек Әл-Сейіт.

Ал былтыр облыста 22 мыңнан аса сәби дүниеге келген. Биыл төрт айдың ішінде 2300-ден аса бөбек дүние есігін ашқан. Жыл басынан бері қыз балаларға  Айзере, Айару, Айша, Аяла, Әмина, Асылым сынды есімдер жиі қойылса, ұл балаларға Әлихан, Нұрислам, Айсұлтан, Әмір, Әли және Ерасыл есімдерді көбірек қойылған.