Сурет байқауының жеңімпаздары анықталды

Байқау бір ай бойы өткізілді. Бұл уақыт аралығында редакциямызға 200-ден аса сурет келіп түсті. Бүлдіршіндердің сурет салуға бұлай белсенді қатысуы бізді таңқалдырды әрі жауапкершілікті арттырды.

Бұл, біріншіден, балалардың сурет салуға деген құштарлығының зор екендігін танытса, екінші жағынан, балдырғандардың Жаңа жыл мерекесіне деген қызығушылығы мол екендігін көрсетті. Өйткені баланың көңілі қашанда ғажайып пен сиқырға құмар келеді, оны тосын сыйға балайды. Ал Жаңа жыл ғажапқа толы мереке. Оны сөзбен емес, суретпен жеткізу әлдеқайда оңай.

Байқауға Өскемен қаласының оқушылары көп сурет жіберді. Зайсан, Аягөз, Үржар, Тарбағатай, Күршім аудандары мен Риддер қаласы да белсенділік танытты. Тіпті, Астана қаласынан редакциямызға хабарласып, сурет жіберген жандар болды. Ал сурет байқауының жеңімпаздарын анықтау үшін сурет пәнінен беретін мұғалімдер мен «Устинка плюс» газетінің редакциясы» ЖШС басшылығы, ардагер ұстаздардан тұратын арнайы комиссия құрылды.

- Балалардың өнерге деген сүйіспеншілігі қуантады. Қиялы мен қаламын бірге ұштастыра білген әрбір бүлдіршіннің сурет әлемі шығармашылық пен өнерге тұнып тұр. Балалар Жаңа жыл мен ит жануарын бейнелей отырып, өзінің арман-мақсатын, тілек-қалауын қатар жеткізген. Бірі анимациялық фильм мен мультфильмдерден, ертегі кітаптарынан көрген кейіпкерлерін бейнелесе, бірі қиялынан бейне жасап, оны параққа қондырған. Көңіліне кірбің, жүрегіне көлеңке түспеген риясыз балдырған бөбектердің жан дүниесін салып бейнелеп суреттеген шығармашылық туындыларын таңдап, іріктеу қиынға түсті. Қиялына қанат бітірген әрбір жеткіншектің қалауына қалқан болғымыз келмейді. Алайда байқаудың аты - байқау, сынақтың соңы - қорытынды, - дейді облыстық «Алдаспан» газетінің бас редакторы Аяулым Кенесова.

Сол себепті «Алдаспан» облыстық-апталық газетінің бір ай бойы өткізген «Жаңа жыл - ит жылы» атты сурет байқауының қорытындысын жария етпекпіз.

Ынталандыру сыйлығына ие болғандар:

1) Толғанай Дулатова. Қанай орта мектебінің 4-сынып оқушысы.

2) Нұралы Қабыков. 1-сынып оқушысы.

3) Тоғжан Қалиякперова. №1 қазақ орта мектебінің 3-сынып оқушысы.

4) Камила Дәулет. №23 орта мектептің 3-сынып оқушысы.

5) Ринат Русланұлы. №23 орта мектептің 1-сынып оқушысы.

6) Ұлағат Керімбекұлы. №33 орта мектептің оқушысы.

7) Елжан Арманов. №16 орта мектептің 1-сынып оқушысы.

8) Гүлдана Кенжебекова. №35 орта мектептің 2-сынып оқушысы.

9) Әділ Бекқалиев. Ахмер орта мектебінің 3-сынып оқушысы.

10) Қайролла Аринов. №35 орта мектептің 4-сынып оқушысы.

11) Дильнара Рахменбекова. Ахмер орта мектебінің 4-сынып оқушысы.

12) Амир Серікказыев. №15 орта мектептің 3-сынып оқушысы.

13) Алина Бияхмет. Тарбағатай ауданы, Ақжар ауылы. 4-сынып оқушысы.

14) Елизавета Емельянова. №24 орта мектептің оқушысы.

15) Жасмин Жомартхан. Риддер қаласы. 0-сынып оқушысы.

16) Айым Өмірбайқызы. №45 орта мектептің 4-сынып оқушысы.

17) Алина Қабыкен. Зайсан қаласы. 1-сынып оқушысы.

18) Алима Сейтбекова. №43 мектеп-лицейінің 4-сынып оқушысы.

19) Алмаз Бәделқан. 1-сынып оқушысы.

20) Балнұр Ерубай. Герасимовка орта мектебінің 4-сынып оқушысы.

21) Тілек Айкенов. Үржар ауданы, Абылайхан орта мектебінің 4-сынып оқушысы.

22) Адия Көпжасар. Аягөз қаласы, 0-сынып оқушысы.

23) Айым Әділбекова. №44 мектеп-лицейінің 1-сынып оқушысы.

24) Әкежан Досқазыев. №47 орта мектептің 1-сынып оқушысы.

25) Нұрсұлтан Қасқабасов. №46 орта мектептің 4-сынып оқушысы.

Енді жүлде алған сайыпқыран суретшілерге кезек берейік. «Алдаспан» газетінің Жаңа жыл мерекесіне орай бастауыш сынып оқушылары арасында ұйымдастырған «Жаңа жыл - ит жылы» атты сурет байқауында үшінші орынды Ахмер орта мектебінің 4-сынып оқушысы Сабина Келденова, екінші орынды №3 мектеп-гимназиясының 3-сынып оқушысы Іңкәр Маратова, ал жүлделі бірінші орынды патриоттық сурет салып, ынта көрсеткен №45 орта мектебінің 4-сынып оқушысы Дәрмен Имашев иеленді.

Сурет байқауына белсене қатысқан оқушыларға «Алдаспан» газетінің редакциясы атынан зор алғыс білдіреміз. Әрі байқау жеңімпаздары мен ынталандыру сыйлығана ие болған оқушылар бүгіннен бастап, редакциямызға хабарласып, жүлдесін алса болады.