Казахстан Көмір қоры көктемге дейін жетеді
Облыс орталығының тұрғындары әлеуметтік көмір отынын жылыту маусымы аяқталғанға дейін сатып алуларына болады
Өскемен қаласы әкімінің орынбасары Ольга Булавкинаның айтуынша, енді жеңілдікпен берілетін отынның жетіспеушілігі мен кезектің туындауы сияқты мәселелер көрініс таппайды.
Айта кетсек, қаламызға жылыту маусымына барлығы 30 мың тонна әлеуметтік көмір сатылып алынған. Оның тоннасы 7500 теңге болса, зейнеткерлер, мүгедектер мен халықтың кейбір тобы жеңілдікпен көмірдің тоннасын 7050 теңгеге сатып ала алады.
- Жалпы сатып алынған көмірдің жартысынан көбі сатылып кетті. Қалғаны 8 мың тонна. Көмір отыны жылыту маусымының аяғына дейін сатылатын болады, - деді Ольга Булавкина. – Егер жетпей жатса, қосымша тапсырыс береміз.
Сонымен қатар, әкімшіліктегілер осыған дейін әлеуметтік әлсіз топтар үшін жеткізілген көмір сатылмай қалмағанын да айта кетті.
Ерке Мұхаметкәрім
