Казахстан Қаламызды қандай өзгерістер күтуде?
ШҚО әкімі Даниал Ахметов Өскемен қаласы 3 жылдың ішінде танымастай өзгеретінін айтты
Фото:
ШҚО әкімдігінің баспасөз қызметі
Аймақ басшысы Өскемен қаласының бірқатар нысандарын, қала тұрғындарының демалуына арналған орындарды аралып, алдағы уақытта қаламызды күтіп тұрған өзгерістерге тоқталды.
1 маусымға дейін...
Славский жағалауынан Оралхан Бөкей атындағы кітапханаға дейінгі жаяу жүргінші жолақтары қайта жөндеуден өтіп, қала тұрғындарының серуендеуіне арналған кішігірім саяжай болып өзгермек.
- Қаламызда көрікті жерлер көп, тек сол орындарға сәкілер қойып, шамдар орнатып, аяқ жолдар жасаса болғаны, тынығуға, қыдыруға арналған керемет орын пайда болады. Бізге берілген нысанның жолдарын жөндеп, жарыққа арналған электр сымдарын тартып, сәкілерін 1 маусымға дейін орнатамыз, - деді «ДСУ-11» директоры Илья Еуфимов.
Сонымен қатар, Дзержинский шағын ауданының тұрғындарына арналған саяжай осы көшедегі 13-үйдің жанында пайда болады. Тұрғындардың жүруіне арналған аяқжолдар, сәкілер мен шамдар орнатылады. Ал жол жиегінде қиылған ағаштардан орындықтар, сәкілер жасалып, ағаштарға жаңадан жан бітіріледі.
