Казахстан Өскеменде жылу мен ыстық су құны көтерілуі мүмкін
«Өскемен жылу жүйелері» АҚ көмір бағасының қымбаттауына байланысты өз қызметтерінің тарифін өсіруге өтінім білдірді
Фото:
thekievtimes.ua
Табиғи монополияларды реттеу және бәсекелестікті қорғау комитетінің ШҚО бойынша департаментінде «Өскемен жылу жүйелері» АҚ-сы ыстық су мен жылу тарифтерін көтеру туралы сұраным білдіргендігін мәлімдеді. Бұған дейін Өскемен жылу-электр орталығының осындай өтініші қанағаттандырылған болатын. Жылу құнының өсуіне көмір бағасы әсер еткен.
- «Өскемен ЖЭО» өз тарифтерін 1-2%-ға көтерді, оның артынша «Өскемен жылу жүйелері» АҚ да қызмет құнын өсіруге өтініш білдірді, - деді облыстық антимонополиялық мекеме басшысы Қайрат Оразбаев. - Аталмыш өтініште де тарифті 1-2%-ға көтеру көрсетілген.
Аталмыш өтініш объективті себептерге байланысты беріліп отырғандықтан, ол бойынша қоғамдық тыңдаулар болмайды.
Ерке Мұхаметкәрім
